google-site-verification=mhQXPDL6t29v0SBU3tM2gsf6ieXw2vbDeuweOWGfOg0 रंगपंचमी निबंध मराठी माहिती | rangpanchmi 2022 nibandh marathi mahiti
Type Here to Get Search Results !

रंगपंचमी निबंध मराठी माहिती | rangpanchmi 2022 nibandh marathi mahiti

रंगपंचमी निबंध मराठी |rangpanchmi 2022 nibandh marathi mahiti | रंगपंचमी विषयी माहिती | rang panchami information in marathi


रंगपंचमी निबंध मराठी माहिती

रंगपंचमी २०२२ : नमस्कार मित्रांनो आज आपण 22 मार्च या दिवशी येणारी रंगपंचमी यादिवसाबद्दलची संपूर्ण माहिती व निबंध बघणार आहोत.



रंगपंचमी निबंध मराठी | rangpanchmi nibandh marathi mahiti


 फाल्गुन वद्य पंचमीला प्रामुख्याने महाराष्ट्रात साजरा केला जाणारा हिंदूंचा एक उत्सव तसेच होळी मागोमाग येणारा आणि सर्वांना हवा हवासा वाटणारा दुसरा सण म्हणजे 'रंगपंचमी'.

 ‘रंगपंचमी' हा सण येतो फाल्गुन कृष्णपंचमीला, ह्या दिवशी सर्व लोक रंग खेळतात. एकमेकांच्या अंगावर रंग टाकतात. नाना विविध रंगाची उधळण करायची आणि एका आगळ्या वेगळ्याच स्वानंदाच्या रंगांत रंगून जायचे हे साधायचं असत ह्या सणाच्या साजरेपणात.

रंग.. खरंच प्रत्येक रंगाला एक अर्थ असतो. प्रत्येक रंगाची एक शिकवण असते. पांढरा रंग शांततेचा, लाल रंग त्यागाचा, हिरवा रंग समृद्धीचा. रंगांच्यामुळेच आपले जीवन हे सुद्धा रंगीन होते. गोकुळांत श्रीकृष्णाबरोबर गोप-गोपिकांनी जी रंगपंचमी साजरी केली, त्या रंगपंचमीला होता एक रंग भक्तीचा.आपल्या स्वातंत्र्य वीरांनी, क्रांतीकारकांनी, देशभक्तांनी स्वातंत्र्य मिळावं म्हणून आपल्या रक्ताची जी रंगपंचमी केली तिचा रंग होता त्यागाचा समर्पणाचा.

 सुर्यास्ताला आकाशात नानाविध रंगाची उधळण रविराज करतो ती आकाशाची ‘रंगपंचमी' आपलं मन मोहून घेते.

 आकाशाचा निळा रंग, शेत शिवाराचा हिरवा रंग, खळखळणाऱ्या पाण्याचा पांढरा रंग, फांदीवर फुलणाऱ्या रंगीबेरंगी फुलाचे रंग, फुलाभोवती गुंजन करणाऱ्या भुंग्यांचे रंग, बागेत बागडणाऱ्या चिमुकल्या फुलपाखरांचे रंग, आपल्या अवती भवती ही रंगाची 'रंगपंचमी'नेहमीच फुलत असते. आपले मन मोहित करत असते.

मानवी जीवनांत जर प्रेम नसेल, आस्था जिव्हाळा नसेल तर जगणं ही रंगतदार होत नाही. रंगपंचमीच्या सण, त्यातले रंग हे आपल्याला बरचं काही सांगून शिकवून जातात. त्या रंगांनी आपण आपलं जीवन चित्र रंगवून घ्यायचं असतं. रंगाची दुनिया जीवनाला जगण्याला एक नवा अर्थ देते.

 ''रंगपंचमी' खेळताना, दुसऱ्याला रंग लावत असताना आपल्या त्या कृतीने समोरची व्यक्ती सुखावेल, त्याला आनंद होईल हेच पहायला हवे. नैसर्गिक रंग खेळायला हवेत. नवे बाजारी रासायनिक रंग खेळणे धोकादायक आहेत हे समजून घ्यायला हवं. रासायनिक रंगामुळे
डोळे चूरचूरतात, त्वचेची आग होते, कातडी खराब होते. तेव्हा असे रंग न वापरणे हेच योग्य नाही का?

आपण प्रत्येकानेच आपले आवडते छंद, कला, नैपुण्य इ. अप्रतिम रंग भरून आपलं जीवन हे रंगदार बनवायला हवं हाच 'रंगपंचमी' ह्या सणामागचा संदेश आहे. भक्तीचा रंग, प्रेमाचा रंग, त्यागाचा रंग, एकत्वाचा रंग हे सारे रंग आपणच आपल्या जीवनात भरून घ्यायला हवेत.रंगपंचमी वैर-भाव आकस दूर करणारी, बेरंगी जीवनाला रंगीन बनवणारी अशी आहे.

थोड़ा रंग अभी बाकी है, थोड़ा गुलाल अभी बाकी है, क्यों मायूस होते हो जिंदगी के झमेलो से, रंग पंचमी की फुहार अभी बाकी है. रंगपंचमीच्या हार्दिक शुभेच्छा !



हे सुध्दा वाचा ⤵️

➡️ जागतिक ग्राहक दिन निबंध मराठी

➡️ जागतिक महिला दिन भाषण निबंध मराठी

➡️ राष्ट्रीय सुरक्षा दिवस भाषण निबंध सुत्रसंचालन मराठी

➡️ राष्ट्रीय विज्ञान दिन भाषण निबंध सुत्रसंचालन










FAQ
Q.1) रंगपंचमी कधी आहे ?
Ans. रंगपंचमी २२ मार्च २०२२ वार बुधवार या दिवशी आहे.

Q.2) रंगपंचमी हा सण कधी येतो ?
Ans.रंगपंचमी हा सण फाल्गुन कृष्णपंचमीला येतो.

टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.

Top Post Ad

Below Post Ad