राज्य शासनाची शेतकऱ्यांसाठी पशुपालन योजना 2021-22 | state government pashupalan yojana 2021-22
अनुक्रमणिका (toc)
राज्य सरकारची शेतकऱ्यांसाठी पशुपालन योजना
नमस्कार शेतकरी मित्रांनो आज आपण राज्य शासनाने शेतकऱ्यांसाठी पशुपालन योजना सुरू केली आहे त्याबद्दलची माहिती बघणार आहोत.
राज्याच्या ग्रामीण भागातील सुशिक्षीत व बेरोजगार युवकांसह पशुपालक व शेतकऱ्यांना स्वयंरोजगाराचे साधन उपलब्ध करुन देण्यासाठी पशुसंवर्धन विभागाने विविध योजना व उपक्रम सुरू केले आहेत - अशी माहिती पशुसंवर्धन व दुग्ध व्यवसाय विकासमंत्री सुनील केदार यांनी दिली आहे.
शेतकरी बांधवांना राज्यस्तरीय योजना आणि जिल्हास्तरीय योजना अशा दोन योजनांचा लाभ घेता येणार आहे. या दोन्ही योजनांमध्ये
राज्यस्तरीय योजना
- गाई/म्हशींची वाटप करणे.
- शेळी/मेंढी वाटप करणे.
- 1000 मांसल कुक्कुट पक्षी संगोपनाद्वारे कुक्कुटपालन व्यवसाय सुरू करणे.
जिल्हास्तरीय योजना
- गाई/म्हशींची वाटप करणे.
- शेळी/मेंढी वाटप करणे.
- तिरंगा गट वाटप करणे.
- एकदिवसीय सुधारीत पक्षांच्या पिल्लांचे गट वाटप करणे.
राज्य सरकारची शेतकऱ्यांसाठी पशुपालन योजना - पहा शेतकऱ्यांना कसा होईल फायदा
दुधाळ गाई, म्हशीसाठी योजना माहिती
या योजनेअंतर्गत दोन दुधाळ गाई किंवा म्हशीचे वाटप करण्यात येणार आहे.
संकरीत गाय - एच.एफ / जर्सी
म्हैस - मुऱ्हा / जाफरबदी
देशी गाय - गीर,साहिवाल, रेड सिंधी, राठी, थारपारकर देवनी, लाल कंधारी, गवळाऊ व डांगी.
टीप: सदरील योजना ही या आर्थिक वर्षात मुंबई, मुंबई उपनगरे तसेच दुग्धोत्पादनामध्ये स्वयंपूर्ण असलेले पुणे, सातारा, सांगली, सोलापूर, कोल्हापूर व अहमदनगर ह्या जिल्हया अंतर्गत राबवली जाणार नाही.
सदरिल योजनेमध्ये महिलांना जास्त प्राधान्य देण्यात येणार आहे.
लाभार्थी निवडीचे निकष प्राधान्यक्रम ( उतरत्या क्रमाने)
- दारिद्रय रेषेखालील लाभार्थी.
- महिला बचत गट (अ.क्र. २ ते ३ मधील)
- अल्प भूधारक (१ हेक्टर ते २ हेक्टर पर्यंतचे भूधारक)
- सुशिक्षित बेरोजगार (रोजगार व स्वयंरोगार केंद्रात नोंद असलेले).
एका गटाची प्रकल्प किंमत
संकरित गाई / म्हशी चा गट प्रति गाय / म्हैस रु. ४०,०००/- प्रमाणे दोन गाय/म्हैस ८०,००० रुपये प्रकल्प किंमत असते आणि त्यात ५.७५ टक्के (अधिक १०.०३ टक्के सेवाकर) दराने ३ वर्षाचा विमा ५०६१ रुपये येवढा असतो. हे सर्व मिळून एका गटाची एकुण किंमत ८५०६१ तेवढी होते.
एकूण गटाचे किंमतीनुसार शासकीय अनुदान व स्वहिस्सा मर्यादा खालीलप्रमाणे असेल
- शासकीय अनुदान
अनुसूचीत जाती ७५ टक्के - ६३,७९६ रुपये
- स्वहिस्सा अनुसूचीत
जाती २५ टक्के - २१२६५.३३ रुपये
- शासकीय अनुदान
सर्वसाधारण ५० टक्के - ४२,५३१ रुपये
- स्वहिस्सा सर्वसाधारण ५० टक्के - ४२,५३१ रुपये
गाय म्हैस अनुदान शासन निर्णय
1) - DOWNLOAD PDF
2) - DOWNLOAD PDF
शेळी मेंढी पालन शासन निर्णय
1) DOWNLOAD PDF
कुक्कुटपालन व्यवसाय शासन निर्णय
1) DOWNLOAD PDF
निवड कशापद्धतीने होणार ?
या योजनांसाठी ऑनलाईन पद्धतीने लाभार्थी निवड प्रक्रिया सन 2021-22 या वर्षात राबविली जाणार आहे
▪️ तसेच पशुपालकांना डेअरी, पोल्ट्री किंवा शेळीपालन यापैकी ज्या बाबींमध्ये अर्ज करायचा आहे, त्याची निवड करण्याची सुविधा देखील उपलब्ध करुन देण्यात आली आहे.
पशूपालन योजनेचा अर्ज कुठं करायचा ?
शेतकऱ्यांना ah.mahabms.com या संकेतस्थळावर अर्ज करता येईल तसेच मोबाईलमध्ये AH-MAHABMS नावाचे अप्लिकेशन घेऊन अर्ज करता येईल.
AH-MAHABMS App डाउनलोड करण्यासाठी खाली दिलेल्या लिंक वर क्लिक करा .
तसेच 4 ते 18 डिसेंबर 2021 दरम्यान शेतकऱ्यांना अर्ज करता येणार आहे
राज्य सरकारकडून शेतकऱ्यांसाठी - पशुपालन योजना सुरू झाली आहे, हि माहिती प्रत्येक शेतकऱ्यांसाठी खूप महत्वाची आहे , आपण इतरांना देखील अवश्य शेअर करा
पशूपालन योजनेच्या अर्जासोबत जोडावयाची कागदपत्रे
- फोटो ओळखपत्राची सत्यप्रत (अनिवार्य)
- सातबारा (अनिवार्य)
- ८ अ उतारा (अनिवार्य)
- अपत्य दाखला (अनिवार्य) / स्वघोषणा पत्र
- आधारकार्ड (अनिवार्य)
- ७-१२ मध्ये लाभार्थी चे नाव नसल्यास कुटुंबाचे संमती पत्र, अथवा दुसऱ्यांची जमीन भाडे तत्वावर करारनामा (अनिवार्य)
- अनुसूचीत जाती/जमाती असल्यास जातीच्या दाखल्याची सत्यप्रत (असल्यास अनिवार्य)
- रहिवासी प्रमाणपत्र (असल्यास अनिवार्य)
- दारिद्र्य रेषेखालील असल्याचे प्रमाणपत्र (असल्यास अनिवार्य)
- बँक खाते पासबुक सत्यपत्र (असल्यास अनिवार्य)
- रेशनकार्ड / कुटुंब प्रमाणपत्र (एकाच कुटूंबातील एकच व्यक्तीला लाभ घेता येईल.) (असल्यास अनिवार्य)
- दिव्यांग असल्यास दाखला (असल्यास अनिवार्य)
- बचत गट सदस्य असल्यास त्याचे प्रमाणपत्र किंवा बचत गटाच्या १३) बँक खात्याच्या पासबुकाची पहिल्या पानाची साक्षांकित प्रत
- वय जन्मतारखेचा पुरावा सत्यप्रत
- शैक्षणिक पात्रतेचा दाखला.
- रोजगार, स्वयंरोजगार कार्यालयाचे नाव नोंदणीकार्डची सत्यप्रत
- प्रशिक्षण घेतले असल्यास प्रमाणपत्राची छायांकित प्रत
सर्व योजनांच्या कागदपत्रांसोबत बंधपत्र जोडावे लागणार आहे.
है सुद्धा वाचा⤵️
FAQ
Q.1) पशुपालन योजनांसाठी अर्ज करण्याची शेवटची तारीख काय आहे ?
Ans.पशुपालन योजनांसाठी अर्ज करण्याची शेवटची तारीख 18 डिसेंबर 2021 ही आहे.
Q.2) पशुपालन योजनांसाठी अर्ज कुठे करायचा ?
Ans.शेतकऱ्यांना ah.mahabms.com या संकेतस्थळावर अर्ज करता येईल तसेच मोबाईलमध्ये AH-MAHABMS नावाचे अप्लिकेशन घेऊन अर्ज करता येईल.